අටවිසි පිරිත

තණ්හංකරෝ මහා වීරෝ - මේධංකරෝ මහායසෝ
සරණංකරො ලෝකහිතෝ - දීපංකරෝ ජුතින්ධරෝ

කොණ්ඩඤ්ඤෝ ජනපාමොක්ක්ඛෝ - මංගලො පුරිසාසභෝ
සුමනො සුමනො ධීරෝ - රෙවතෝ අරති වද්ධනෝ

සොභිතෝ ගුණසම්පන්නෝ - අනෝමදස්සි ජනුත්තමෝ
පදුමො ලෝකපජ්ජොතෝ - නාරදො වරසාරථි

පදුමුත්තරො සත්තසාරෝ - සුමේධො අග්ගපුග්ගලෝ
සුජාතෝ සබ්බලෝකග්ගෝ - පියදස්සී නාරාසභෝ

අත්ථදස්සී කාරුණිකෝ - ධම්මදස්සී තමෝනුදෝ
සිද්ධත්ථා අසමෝ ලෝකේ - තිස්සො වරදසංවරෝ

ඵුස්සො වරද සම්බුද්ධෝ - විපස්සී ච අනූපමෝ
සිඛී සබ්බහිතෝ සත්ථා - වෙස්සභූ සුඛ දායකෝ

කකුසන්ධො සත්ථවාහෝ - කොණාගමනො රණංජහෝ
කස්සපො සිරි සම්පන්නෝ - ගෝතමෝ සක්‍යපුංගවෝ

තෙසං සච්චේන සීලේන - ඛන්ති මෙත්තා බලේන ච
තෙපි මං අනුරක්ඛන්තු - ආරෝග්‍යේන සුඛෙන චාති

අට්ඨවීසතිමෙ බුද්ධා - පූරෙත්වා දස පාරමී
ජෙත්වා මාරාරි සංගමං - බුද්ධත්තං සමුපගමුං
ඒතේන සච්චවජ්ජේන - හොතු මෙ ජය මංගලං

1. මහා වීරෝ = මහත්වූ වීර්‍ය ඇත්තා වූ
2. මහායසෝ = මහත්වූ කිර්තිය ඇත්තා වූ
3. ලෝකහිතෝ = ලොවට හිත අත්තා වූ
4. ජුතින්ධරෝ = බබලන්නාවූ
5. ජනපාමොක්ක්ඛෝ = ජනයාට නායක වූ
6. පුරිසාසභෝ = මහත් වූ පෞරෂය ඇත්තා වූ
7. සුමනෝ ධීරෝ = මනාවූ සිහිය ඇත්තාවූ ධෛර්‍යයෙන් යුතු
8. අරති වද්ධනෝ = නො ඇලීම වර්ධනය කරන්නාවූ
9. ගුණසම්පන්නො = ගුණවත් වූ
10. ජනුත්තමෝ = ජනයින්ට උතුම් වූ
11. ලෝකපජ්ජොතෝ = ලෝකය ආලොකමත් කළාවූ
12. වරසාරථි = උතුම් මග පෙන්වන්නා වූ
13. සත්තසාරො = සත්තවයා හරයෙහි ඇලවූ
14. අග්ගපුග්ගලෝ = ශ්‍රේෂ්ඨ පුද්ඝලයා වූ
15. සබ්බලෝකග්ගෝ = සියළු ලොවට අග්‍ර වූ
16. නාරාසභෝ = අති උත්තම මිනිසා වූ
17. කාරුණිකෝ= කාරුණික වූ
18. තමෝනුදෝ = අඳුර දුරුකළා වූ
19. අසමෝ ලෝකේ = ලෝකයේ අසම වූ
    
20. වරදසංවරෝ = නිවන දීමෙන් සංවර කළා වූ
21. වරද සම්බුද්ධෝ = මනාකොට අවබෝධ කරවූ තැනැත්තා වූ
22. අනූපමෝ = උපමා නැති වූ
23. සබ්බහිතෝ සත්ථා = සියළු සත්වයින්ගේ හිත පිණිස වූ
    
24. සුඛ දායකෝ = සැපය දෙන්නා වූ
    
25. සත්ථවාහෝ = උතුම් ශ්‍රාස්තෘවරයානෝ වූ
    
26. රණංජහෝ = කෙලෙස් දුරු කළා වූ
    
27. සිරි සම්පන්නෝ = ශ්‍රීයෙන් යුක්ත වූ
    
28. සක්‍යපුංගවෝ = ශාක්‍ය කුලයේ උපන්නා වූ

මේ කිසිම ගුණයක් එක් බුදු රජානන් වහන්සේ කෙනෙකුට පමණක් සීමා වූ ඒවා නොවේ. සෑම බුදුවරයෙකු කෙරෙහිම මෙම ගුණ ඇත්තේය. ගද්‍යමය තත්වය වර්ධනය කිරීම පිණිස පද පූර්ණය සලකා එක් එක් ගුණ යොදා ඇති සෙයක් පෙනේ.

අටවිසි බුදු රජානන් වහන්සේලා

1. තණ්හංකර බුදු රජාණන් වහන්සේ
2. මේධංකර බුදු රජාණන් වහන්සේ
3. සරණංකර බුදු රජාණන් වහන්සේ
4. දීපංකර බුදු රජාණන් වහන්සේ
5. කොණ්ඩඤ්ඤ බුදු රජාණන් වහන්සේ
6. මංගල බුදු රජාණන් වහන්සේ
7. සුමන බුදු රජාණන් වහන්සේ
8. රේවත බුදු රජාණන් වහන්සේ
9. සෝභිත බුදු රජාණන් වහන්සේ
10. අනෝමදස්සී බුදු රජාණන් වහන්සේ
11. පදුම බුදු රජාණන් වහන්සේ
12. නාරද බුදු රජාණන් වහන්සේ
13. පදුමුත්තර බුදු රජාණන් වහන්සේ
14. සුමේධ බුදු රජාණන් වහන්සේ
15. සුජාත බුදු රජාණන් වහන්සේ
16. පියදස්සි බුදු රජාණන් වහන්සේ
17. අත්ථදස්සි බුදු රජාණන් වහන්සේ
18. ධම්මදස්සි බුදු රජාණන් වහන්සේ
19. සිද්ධත්ථ බුදු රජාණන් වහන්සේ
20. තිස්ස බුදු රජාණන් වහන්සේ
21. ඵුස්ස බුදු රජාණන් වහන්සේ
22. විපස්සී බුදු රජාණන් වහන්සේ
23. සිඛී බුදු රජාණන් වහන්සේ
24. වෙස්සභූ බුදු රජාණන් වහන්සේ
25. කකුසඳ බුදු රජාණන් වහන්සේ
26. කෝණාගම බුදු රජාණන් වහන්සේ
27. කාශ්යමප බුදු රජාණන් වහන්සේ
28. ගෞතම බුදු රජාණන් වහන්සේ

පුණ්‍යානුමෝදනා...!

සාමන්‍ය දින චරියාවට වඩා අමතර කටයුතු තරමක් සහිත දින කිහිපයක් වූ බැවින්ම අප විසින් කළ යුතු යම් යම් කාර්යයන් පමාවී ඇති සෙයක් පෙනේ.

දැක බලා, වන්දනාමාන කොට පහන් හැඟීමක් ඇති කරගැනීමට කැමත්තක් ඇති ඇත්තන්ගේ ප්‍රයෝජනය සඳහාත්, බුදු දහම මත ගොඩනැගුනු සිංහල සංකෘතිය අනුව අප වෙත පැවරී ඇතැයි අප විසින් අදහස් කරන සමාජීය යුතුකමක් ඉටුකිරීම සඳහාත්, හතර පේරුවේ පිංවතුන් විසින්, අපගේ මතකයේ පරිදි 1975 හෝ ආසන්න කාලයක සිටම ඉදිරිපත් කරන ලද්දාවූ ඉල්ලීම් හා දක්වන ලද්දාවූ දායකත්වයන් නිසාත්, අපගේ සිත් තුල ඇතිවූ අදහසක් අනුව ඉදිකරන්නට යෙදුනාවූ චෛත්‍ය රාජයානන් වහන්සේගේ ධාතූන් වහන්සේලා වඩා හිඳුවීමේ හා කොත් වහන්සේ පැළඳවීමේ අවස්ථාවන්ට සහභාගිවන මෙන් අප විසින් කරන ලද ආරාධනයන් පිළිගෙන පැමිණියා වූද, දුරකථනයෙන් හා විද්‍යුත් තැපැල් මාර්ගයෙන් සුභ පැතුවා වූද, සයිබර් අවකාශයේ සියළුම පිංවතුන්ට පුන්‍යානුමෝදනා පූර්වක ස්තුතිය මෙයින් පුද කරම්හ.

කොත්වහන්සේ පැළඳවීම

අභිනව චෛත්‍යයේ කොත්වහන්සේ පැළඳවීම 2009.05.08 ට යෙදුනු වෙසක් පුන් පොහෝදා උදෑසන 8 පසුවී විනාඩි 34ට යෙදුනු සුභ මොහොතින් සිදුකළ බව මෙසේ සඳහන් කර තබම්හ.

චෛත්‍ය රාජයානන්වහන්සේගේ ධාතු නිදානෝත්සවය

දොම්පෙ ගනේගොඩ ශ්‍රී පුන්‍යවර්ධනාරාම විහාරස්ථානයේ අභිනවයෙන් ඉදිකළ චෛත්‍යයේ සර්‍වඥ්ඥ ධාතූන්වහන්සේලා වඩා හිඳුවීම රාජ්‍ය වර්ෂ 2009.05.07 දින පූර්‍ව භාග 8 පසුවී විනාඩි 56 ක් ගෙවී ගිය කල්හි යෙදුනු සුභ මොහොතින්, සතර දිග් භාගයෙන් පැමිණියාවූ සැදැහැති පිංවතුන්ගේ සාධුනාද මධ්‍යයේ සිදුකරන ලද බව මෙයින් සඳහන්කර තබම්හ.