ශ්‍රී සද්ධර්‍මාචාර්‍ය්‍ය පූජ්‍ය විටියල ශ්‍රී සාරානන්ද මාහිමියන්වහන්සේ විසින් දොම්පෙ මීගහවත්ත ප්‍රදේශයේ ගෙනයනු ලැබූ ධර්‍ම ප්‍රචාරක කටයුතුවලින් ප්‍රසාදයට පත් පිරිස අතර දොම්පෙ ලියනේගම ප්‍රදේශයේ විසූ ශීලවංශ මුදියන්සේ මහතාද විය. ශීලවංශ මහතාගේ ආරාධනය පරිදි සාරානන්ද මා හිමියන්වහන්සේගේ දෙටු ශිෂ්‍යවර සද්ධර්මකීර්ති ශ්‍රී විනයාචාර්‍ය්‍ය පූජ්‍ය කපුගම සුගතවංශසාභිධාන කොළඹ නව කෝරළයේ ප්‍රධාන සංඝනායක මා හිමියන්වහන්සේ, ලියනේගම ප්‍රදේශයේ ධර්‍ම ප්‍රචාරක කටයුතු සඳහා වැඩම කළහ. එහි ප්‍රතිඵලයක් ලෙස ඩබ්ලිව්. එම්. පොඩිසිඤ්ඤෝ අප්පුහාමි, එල්. ඒ. හෙන්ද්‍රික් පෙරේරා, එල්. ඒ. ජුවානිස් පෙරේරා, එච්. පී. දනියෙල් පෙරේරා යන මහත්වරුන් ප්‍රධාන පළාත් වාසී බෞද්ධ පින්වතුන්ගේ පරිශ්‍රමයෙන් හා පාඨශාලාචාර්‍ය්‍ය ඩබ්ලිව්. එම්. බබුසිඤ්ඤෝ මහතාගෙන් ලබාගත් පර්චස් හතළිහක් පමණ වූ බිමෙහි එක් පසෙක ඉදිවුණු කුඩා බුදුමැදුරකින්, ධර්‍ම ශාලාවකින් හා තාවකාලික ආවාස ගෙයකින් යුතුව ව්‍යවහාර වර්‍ෂයෙන් එක්වාදහස් නවසිය තිහේදී දොම්පේ පුණ්‍යවර්ධන බෞද්ධ ආශ්‍රමය නමින් මෙම විහාරස්ථානය ආරම්භ වී ඇත.
No comments:
Post a Comment